Майа сэлиэнньэтэ төрүттэммитэ 120 сылыгар ананан күн сирин көрбүт саҥа “Майа: Докумуоннар. Ыстатыйалар. Хаартыскалар” 2 кинигэлээх кинигэ сүрэхтэниитэ
20 апреля 2022 г. 14:46
Муус устар 13 күнүгэр Д.Ходулов аатынан Култуура киинигэр биир үтүөкэннээх үлэ түмүктэммитинэн үөрүүлээх тэрээһин - Майа сэлиэнньэтэ төрүттэммитэ 120 сылыгар ананан күн сирин көрбүт саҥа “Майа: Докумуоннар. Ыстатыйалар. Хаартыскалар” 2 кинигэлээх кинигэ сүрэхтэниитэ ыытылынна. Бары билэрбит курдук, суругунан суруллубут-суоруллубат. Майа историятын төрдүттэн сиһилии кэпсиир ахтыылар, хаартыскалар, докумуоннар бу кинигэни туохха да кэмнэммэт сыаналаах оҥороллор. Кэлэр көлүөнэлэргэ көмүстээҕэр күндү биһиги бэлэхпит – бу кинигэ буолара саарбахтаммат. Тэрээһин устуутун сотору ˮМайа долгунаˮ радио эфиирыгар истээриҥ.<br><br>Сиһилии сонуннары уонна хаартыскалары, видеолары биһиги телеграм-каналбытыгар уонна инстаграм страницабытыгар киирэн көрүҥ.
