Күндү дьоммутун - Олоҥхо күнүнэн итиитик-истиҥник эҕэрдэлиибит!

Күндү дьоммутун - Олоҥхо күнүнэн итиитик-истиҥник эҕэрдэлиибит!<br>Олоҥхо – бу үрүйэ уутунуу ыраас, үйэлэри уҥуордаан кэлбит модун тыыннаах саха тылын төрдө-төрүтэ. Олоҥхоһут этэн-тыынан туойан бардаҕына, биһиги тылбыт ойуулуур-дьүһүннүүр күүһэ-күдэҕэ, эриэккэс эйгэтэ, эгэтэ-дэгэтэ, туойуллар толбоно араас өҥүнэн арылыйа оонньообутунан барар.<br>2005 сыл сэтинньи 25 күнэ биһиэхэ барыбытыгар дьоһун суолталаммыта – бу күн ЮНЕСКО Олоҥхону киһи аймах тылынан уонна өйүнэн айбыт култуурунай нэһилиэстибэтин үйэттэн үйэҕэ бэриллэр күндү баайа диэн аан дойду шедеврдэрин ахсааныгар киллэрбитэ. Бу улахан ситиһиибитин кэрэһэлээн биһиги өрөспүүбүлүкэбитигэр Олоҥхо күнэ олохтоммута.<br>Күндү биир дойдулаахтарбыт! <br>Олоҥхону сэргээҥ, кэрэхсээҥ, туохха да тэҥнэммэт күүһүгэр сүгүрүйүҥ! <br>Иэйэхсиккит эҥэрдэhэ,<br>Айыыhыккыт аргыстаhа сырыттын!<br>Санаабыккыт сатаннын,<br>Толкуйдаабыккыт тобуллан истин.<br>Олоҥхо дойдутугар ойууланар<br>Оhуордаах-бичиктээх,<br>Уйгу-быйаҥ тыыннаах,<br>Уhун дьоллоох олохтонуҥ!<br>Тапталтан туймаарар сүрэхтэниҥ!<br>Ыарыыга ылларымаҥ,<br>Дьаҥҥа-дьаhахха хаайтарымаҥ!<br>Дьолу-Соргуну!<br>Дом!