Ю.Е.Платонов аатынан Эстрада театра көрөөччү биһирэбилин ылбыт «Үлэ үөһүгэр таптал» музыкальнай испиктээк

Ахсынньы 11 күнүгэр Д.Ходулов аатынан Култуура киинигэр Ю.Е.Платонов аатынан Эстрада театра көрөөччү биһирэбилин ылбыт «Үлэ үөһүгэр таптал» музыкальнай испиктээги иккис төгүлүн үрдүк таһымнаахтык көрдөрдө. Бу көрдөрүү быйылгы сылга бүтэһик уонна 50-с төгүлүн сыанаҕа тахсарынан, испиктээк иннинэ театр дириэктэрэ, испиктээк режиссера Татьяна Чаранская көрөөччү иннигэр тахсан, артыыстары ыҥыран таһааран көрөөччүлэргэ соһуччу бэлэх буолла. Испиктээк бары дьоруойдара - Анатолий Горохов уонна Ника, Санита Ай уонна Василий Еремеев, Люси уонна Хадаана оруолларын буоларын курдук үрдүк таһымнаахтык толорон көрөөччү кинилэри хас көстүү аайы дохсун ытыс тыаһынан атааран истилэр. Онуоха, испиктээк былаһын тухары, статистика үлэһиттэрин толорор артыыстар да хаалсыбаттар, кинилэр ортолоругар биһиги биир дойдулаахтарбыт Айгылаан (үҥкүүлэри туруорааччы) уонна Умсуура бааллар. <br>Эстрада театра кэрэ түгэни кэлэн иккистээн бэлэхтээбиттэригэр (бачча тымныыга, суолбут да суох), махталбытын биллэрэбит өссө да атын премьералары күүтэбит.