Хомсомуол күнүгэр аналлаах тэрээһин.

Алтынньы 27 күнүгэр “Кыталык “ уопсастыбаннай кииҥҥэ Д.Ходулов аат. Норуот айымньытын дьиэтин уонна “Кыталык “ ОЫЭК кэлэктииптэрэ Хомсомуол 105 сылыгар аналлаах тэрээһини ыыттыбыт. Ол кэминээҕи ырыа- тойук, үҥкүү-битии, литературнай монтаж кэлбит дьоҥҥо өрө көтөҕүллүүлээхтик көрдөрүлүннэ.<br>Мэҥэ Хаҥалас улууһун, Хорообут нэһилиэгин Бочуоттаах гражданина Александр Андреев Анатолий Чичахов хомсомуол туһунан хоһоонунан тойуктаата.<br>Екатерина Ефремова “Белый танец”, “Сардаана” трио “Там, вдали за рекой”, Степан Копырин “Доҕордоһуу”, Ульяна Ефремова «Манчаары» ырыаларынан, “Кыталык” ОЫЭК иитиллээччилэрин толорууларыгар “Погоня”, “ОБТ” түмсүү кыттыылаахтара “Кадриль” үҥкүү, “Көөчөөн көрө” мини тыйаатыр артыыстара “Кустуу барыах” сценкалара, о.д.а. сэргэх нүөмэрдэр сүргэни көтөхтүлэр. Галина Эверстова сэбиэскэй кэминээҕи луоһуннары этэргэ оонньуу ыытан дьон көхтөөхтүк кытынна. Манна Александр Андреев кыайыылааҕынан ааттанан этибиэркэ нобуорун бириис тутта.<br>Хомсомуол ырыаларын күргүөмүнэн ыллааһын, флешмоб үҥкүү, баянынан үҥкүү тэрилиннэ.<br>Бары кыттыыны ылбыт дьоммутугар, отечественнай бальнай үҥкүү бөлөҕөр, райпо бэтэрээннэригэр махталбытын тиэрдэбит.<br>Хомсомуол төрүттэммит күнүнэн эҕэрдэ !