Майаттан Алдаҥҥа.

Сэтинньи 26 күнүгэр Д.Ходулов аатынан Норуот айымньытын дьиэтин делегацията Алдан куоракка доҕордуу Алданнааҕы Эдэр көрөөччү тыйаатырыгар ыалдьыттаан кэллибит. Бу күннэргэ кинилэр ˮ̋Золотая сказкаˮ̋ аһаҕас театральнай бэстибээли ыытан, түмүктүүр түгэннэригэр тиийэн, сыанаҕа тахсан, Алдан куорат төрүттэммитэ 100 сылынан, Майа-Алдан ˮ̋Сиэрпэ уонна Өтүйэˮ̋ доҕордоһуута 55 сылынан эҕэрдэлээн туран өйдөбүнньүк бэлэхтэри туттардыбыт, бэйэбит быйыл бэлиэтиир үбүлүөйдэрбитин билиһиннэрдибит. Ол курдук, Д.Ф.Ходулов аатынан народнай тыйаатыр ˮ̋народнайˮ̋ ааты ылбыта 60, Н.Н.Васильева аатынан Майатааҕы народнай хор төрүттэммитэ 45, Майатааҕы народнай Эдэр көрөөччү тыйаатыра төрүттэммитэ 25 сыллара 2023 сылга туолла. Маны тэҥэ, култуура эйгэтин үлэһиттэрэ буоларбытынан саалаҕа мустубут бэстибээл кыттыылаахтарыгар хомус алыптаах тыаһын фольклорга специалист Мария Иванова иһитиннэрдэ, түмүккэ Роман Плотников тылларыгар, Дмитрий Санников мелодиятыгар ˮ̋Мэҥэм сирэˮ̋ диэн ырыаны Мэҥэ Хаҥаластан кыттыыны ыла сылдьар Аллараа Бэстээх уонна Төхтүр оҕолорун уонна кинилэр салайааччыларын Сергеева Мария Владимировнаны, Вензель Екатерина Ивановнаны сыанаҕа ыҥыран таһааран ыллаатыбыт. Оҕолорбутун ситиһиилээхтик кыттыбыттарынан итиитик-истиҥник эҕэрдэлиибит<br>Биһигини кытта өрүү билсэр, уруккуттан биһиги аҕа кэллиэгэлэрбитин кытта доҕордоһон кэлбит Елена Павловна Воронковаҕа, Алданнааҕы Эдэр көрөөччү тыйаатырын дириэктэригэр Виктория Витальевна Гофмаҥҥа уонна кэлэктиипкэ махталбытын тиэрдэбит!<br>Выражаем свое признание и БЛАГОДАРНОСТЬ за теплый прием дорогой Елене Павловне Воронковой, директору Алданского ТЮЗа Виктории Витальевне Гофман и всему коллективу<br>https://t.me/aldanteatrunogozritel<br>⁣<br>Майя-Алдан - дружба серпа и молота!<br>Майя-Алдан - дружба дороже золота!<br>Уруй-Айхал!