Майаҕа тэрилтэлэр икки ардыларыгар ыытыллар 68-с “В.К. Степанов аатынан култуура уонна спорт эстафетата” бэстибээл түмүктүүр түһүмэҕэ уус-уран кэнсиэри көрүү кулун тутар 1 күнүгэр саҕаланна.

“Уруйдан - чөл олох, айхаллан дьиэ кэргэн!” диэн девизтээх Майа сэлиэнньэтигэр тэрилтэлэр бөлөхтөрүн икки ардыларыгар ыытыллар 68-с “Василий Константинович Степанов аатынан култуура уонна спорт эстафетата” бэстибээл түмүктүүр түһүмэҕэ уус-уран кэнсиэри көрүү кулун тутар 1 күнүгэр саҕаланна.<br>Уус-уран кэнсиэр дьүүллүүр сүбэтигэр үлэлииллэр:<br>1. НИКИТИНА Светлана Васильевна – улуустааҕы „Кыталык“ оҕо ыччат эстетическэй киинин фольклорга исписэлииһэ;<br>2. НОЕВА Майя Дмитриевна - СӨ култууратын туйгуна, улуустааҕы „Кыталык“ оҕо ыччат эстетическэй киинин балетмейстер-хореограба; <br>3. СКРЯБИНА Александра Семеновна – СӨ култууратын туйгуна, Д.Ф. Ходулов аатынан Майатааҕы норуот айымньытын дьиэтин Эдэр көрөөччү народнай театырын режиссера; <br>4. СЕРГУЧЕВ Георгий Георгиевич - СӨ култууратын үтүөлээх үлэһитэ, “Култуураҕа ситиһиитин иһин” Российскай Федерация бэлиэтин хаһаайына, Д.Ф. Ходулов аатынан Майатааҕы норуот айымньытын дьиэтин ырыаҕа исписэлииһэ, “Аарык” эр дьон квартетын салайааччыта, <br>5. Дьүүллүүр сүбэ бэрэссэдээтэлэ ‒ ЕФРЕМОВА Екатерина Петровна, СӨ култууратын туйгуна, Д.Ф. Ходулов аатынан норуот айымньытын дьиэтин дириэктэрэ. <br>Аан бастакынан уус-уран кэнсиэри көрдөрдө УЛУУСТААҔЫ КИИН БАЛЫЫҺА БӨЛӨҔӨ. Кэнсиэр 18 нүөмэрдээх, бары ирдэнэр нүөмэрдэр бааллар. Кэнсиэргэ барыта 126 киһи кыттыыны ылла. Үгүс нүөмэрдэргэ тыыннаах доҕуһуол – баян, гитара, синтезатор туттуллубута кэрэхсэбиллээх. Ырыаны акапелло толоруу, элбэх үҥкүүһүттэрдээх бөлөҕүнэн үҥкүүлээһин, иһиллибэтэх ырыалары талан үөрэтии кэнсиэр таһымын үрдэттэ. Биирдиилээн толорооччуларга доруобуйа харыстабылын үлэһиттэрэ Наталья Стручкова, Айхаан Сарыглар дебюттаатылар.<br>Кэнсиэр уопсай баала – 4,03 баалынан сыаналанна.<br>Лауреаттарынан ааттаннылар:<br>1. Эр дьон бөлөҕө – „Баҕа санаа“ ырыаны толоруу иһин. Сал. С.Павлова;<br>2. „Талба“ хомусчуттар ансаамбыллара – „Хохуоралаах хоҥкунас хомуһум“ дьүһүйүү иһин. Сал. Зоя Москвина, уус-уран сал. М.Иванова;<br>3. Үҥкүү бөлөҕө – „Хатыҥчаан“ үҥкүү иһин, В.Ноев ырыатыгар. Сал. Саргылана Захарова;<br>4. „Айыына“ вокальнай ансаамбыл – В.Ноев „Кыыс Амма“ ырыа иһин. Сал.С.Павлова;<br>5. Иннокентий Петухов – „Майа кыыһа“ ырыа иһин;<br>6. Үҥкүү бөлөҕө – 3 көлүөнэнэн „Оһуор үҥкүүтэ“.<br><br>Дипломаннар буоллулар:<br>1. Эр дьон хора – „Эйэ иһин“ ырыа иһин. Сал.С.Павлова;<br>2. Матрена Новгородова – монолог иһин;<br>3. Үҥкүү бөлөҕө – „Удаҕаннар“ үҥкүү иһин. Сал.Саргылана Захарова;<br>4. Үҥкүү бөлөҕө – „Эвенкийскэй“ үҥкүү иһин. Сал.Саргылана Захарова.