Майа сэлиэнньэтигэр биллэриллибит ТӨРҮЧЧҮ сылынан «ТӨЛКӨБҮТ ТӨРҮТТЭННИН, ЫҺЫАХПЫТ УРУЙДАННЫН!» Үрүҥ Тунах Ыһыах күрэхтэрин түмүгэ

Саргы ыһыах ырыатынан,<br>Саха дьоһун ыратынан,<br>Сана көтөр иэйиитинэн,<br>Сүрэх күүтэр эрэлинэн,<br>Сырдыы – үүннэ Ыһыах күнэ -<br>Саха дьоллоох түһүлгэтэ!<br><br>Майа сэлиэнньэтигэр биллэриллибит ТӨРҮЧЧҮ сылынан «ТӨЛКӨБҮТ ТӨРҮТТЭННИН, ЫҺЫАХПЫТ УРУЙДАННЫН!» Үрүҥ Тунах Ыһыах чэрчитинэн 2025 сылга Манчаары төрөөбүтэ 220, Мэҥэ Хаҥалас улууһа төрүттэммитэ 95, Улуу Кыайыы 80 өрөгөйдөөх сылларыгар аналлаах Майаҕа олорор, үлэлиир эдэр дьиэ кэргэннэргэ «ТАЛЫЫ-ТАЛБА САХА ТАҤАҺА» күөн-күрэс ыытылынна. <br>Күрэх түмүгүнэн I миэстэни ыллылар – Анатолий, Ольга, Арсен, Айсен ТИХОНОВТАР дьиэ кэргэн; <br>II миэстэни ыллылар – Кэскил, Алиса, Кэскилээнэ ЕГОРОВТАР дьиэ кэргэн; <br>III миэстэҕэ – Лазарь, Елена, Дьулуур СИВЦЕВТАР буоллулар. <br>Ону тэҥэ Майаҕа олорор, үлэлиир, үөрэнэр кэрэ аҥаардарга «ТОЛБОННУРАР УҺУН СУҺУОХ» үс көлүөнэнэн күөн-күрэс ыытылынна. Күрэхпитигэр уопсайа аҕыс дьиэ кэргэнинэн Далбар Хотуттар, кэрэ Куолар, кэрэчээн кыргыттар көлүөнэнэн кытыннылар.<br>Түмүккэ уопсайа 41 тутум 5 тарбах уһун суһуохтаах Любовь Ивановна, Ольга Эдуардовна, Амелия ИЛЛАРИОНОВТАР дьиэ кэргэн маҥнайгы миэстэни ыллылар. <br>Иккис миэстэни ыллылар Лариса Прокопьевна, Калиса Дмитриевна, Милена ОКОЕМОВТАР дьиэ кэргэн. Кэрэ Куолар суһуохтарын уһуна уопсайа 34 тутум, 4 тарбахха тэҥнэстэ.<br>Үһүс миэстэ буоллулар – Мария Афанасьевна, Надежда, Сандра ФЕДОРОВТАР дьиэ кэргэн. Суһуохтарын уһуна – 31 тутум, 6 тарбах. <br>Төрдүс миэстэҕэ – 27 тутум, 4 тарбах уһун суһуохтаах Сауле, Сабира СУТТИБАЕВТАР дьиэ кэргэн. <br>Бэһис миэстэҕэ – Саргылаана Филипповна, Ольга Николаевна, Элана Павловтар дьиэ кэргэн. Суһуохтарын уһуна – 27 тутум, 1 тарбах. <br>Күрэхтэрбитигэр бириистэри олохтообут үтүө дьоммутугар барҕа махталбытын тиэрдэбит. Ол курдук: «Модун авто» маҕаһыын (сал. Холмогоров Михаил Михайлович), «Хозмаркет» маҕаһыын (сал. Орлова Юлия Семеновна), «Алмазэргиэнбанк» Майатааҕы офиһа (сал. Анна Константиновна Михайлова), «Нужные вещи» маҕаһыын (сал. Лукина Инна Андреевна), «Манчаары» маҕаһыын (сал. Бурнашев Кузьма Иванович), «Дэлэй» маҕаһыын (сал. Аржаков Николай Иванович).<br>Кыттыыны ылбыт бары кыттааччыларбытыгар, бигэ туруктаах, иллээх, көхтөөх дьиэ кэргэттэрбитигэр, мааны Далбар Хотуттарга, кэрэ Куоларга, кэрэчээн оҕолорбутугар эҕэрдэ бастыҥа буоллун. Үүнэр көлүөнэ, дьоммут-сэргэбит үтүө үгэстэригэр сүгүрүйэн үөрэнэн үрдүк үрдэллэри салҕыы сайыннара, элбэтэ тураргытыгар баҕарабыт!