«Русская песня на земле Олонхо» бырайыак бастакы кэнсиэрэ Майа сэлиэнньэтигэр буолла.

Бэс ыйын 23 күнүгэр Мэҥэ Хаҥалас улууһун Майа сэлиэнньэтигэр Д.Ходулов аатынан норуот айымньытын дьиэтигэр «Русская песня на земле Олонхо» бырайыагынан Москва куораттан биллиилээх ырыаһыттар - Большой театр солиһа Олег Цыбулько уонна норуоттар икки ардыларынааҕы вокальнай конкурстар лауреаттара Галина Марфина ыалдьыттар, ыллаан-туойан аастылар. Кинилэр төһө да самолеттан түһээт өрүһү туораан кэлбиттэрин да иһин, биллиилээх ырыалары олус истиҥник толордулар, көрөөччүлэри кытта ыллаттылар. Онуоха көрөөччүлэр ытыстарын тыаһа кинилэргэ күүстэригэр күүс, сэниэлэригэр сэниэ эптэ. Уостан түспэт нуучча норуотун ырыаларын, аатырбыт «Катюша» ырыаны дуораччы ыллаһан көрөөччүлэр астыннылар.<br>Бырайыак ирдэбилинэн, кэнсиэргэ олохтоох кэлэктииптэр кыттыахтаахтар. Оннук, бу кэнсиэргэ кыттан көрөөччү биһирэбилин ыллылар «Аарык» вокальнай квартет, сал.Георгий Сергучев, «Сыдьаай» үҥкүү бөлөҕө, сал. Розалия Шарина, Д.Ходулов аат.норуот айымньытын дьиэтин специалистара Линда Захарова, Мария Иванова. Бу киэһээ «Сыдьаай» үҥкүү бөлөҕө Розалия Шарина туруоруутугар саҥа «Тыҥ хатыыта» үҥкүүнү сүрэхтээн көрөөччүнү сөхтөрдө. <br>Бары кыттааччыларбытыгар, көрөөччүлэрбитигэр махталбытын тиэрдэбит.<br>Аныгыс көрсүөххэ диэри.<br><br>https://ulus.media/2025/06/25/uchastniki-programmy-yakutiya-zemlya-geroev-poluchat-obrazovanie-po-standartam-ranhigs/