Айар кэллэктииптэрбит Нерюнгри куоракка ыытыллыбыт Олоҥхо Ыһыаҕар

18 төгүлүн ыытыллыбыт Олоҥхо ыһыаҕа үс күннээх, икки түүннээх күрэхтэһиилэрэ Нерюнгри куоратын Таастаах хайатын үрдүгэр тутуллубут «Амикан» этнокомплексыгар түмүктэннилэр. <br><br>«Олоҥхо оспот омоон суолларынан» Олоҥхону толоруу күрэҕэр «Айыллыат» түмсүү С. А. Иванов «Хара буурай аттаах Хорсун Хоодуот Хатан Боотур» олоҥхону куолаан толорон 5000 солк. анал биһирэбил бирииһи ыллылар. Сал. Мария Иванова, Евдокия Семенова <br><br> «Куйаар кутуллар дорҕооно» кылыһах-кырыымпа күрэҕэр «Дьиэрэй» фольклорнай бөлөх (сал. Мария Иванова, Ульяна Ефремова) - I Үрдэл буолан 40.000 солк. сертификатынан наҕарааланнылар. Ону таһынан «Бөлөххө Бастыҥ толорооччу» Дмитрий Санников уонна Раиса Скрябина, «Бастыҥ салайааччы» Мария Иванова, Ульяна Ефремова буоллулар.<br><br>«Хомус хомуһун дорҕоонноро» хомусчуттар күрэххэ Д.Ф. Ходулов аатынан норуот айымньытын дьиэтин фольклорга специалиһа Мария Иванова I Үрдэли ылары ситистэ. 30.000 солк. сертификатынан наҕараадаланна. <br><br>Айар кэллэктииптэрбит Нерюнгри куоракка ыытыллыбыт Олоҥхо Ыһыаҕар ситиһиилээхтик кыттыбыттарынан истиҥник эҕэрдэлиибит!!! Айар аартыккыт арылла турдун!<br><br><a href= https://hodulov.ru/gallery/33> Галерея</a><br>