Үлэ сезона “Сулус” хампаанньаны өйүүр «Сулус»! Тулус! Дьулус!” аахсыйа кэнсиэринэн саҕаланна.

Балаҕан ыйын 25 күнүгэр Д.Ф. Ходулов аатынан култуура киинэ быйылгы үлэ сезонун “Сулус” хампаанньаны өйүүр «Сулус»! Тулус! Дьулус!” аахсыйа кэнсиэринэн саҕалаата. Тэрээһиҥҥэ Д.Ф. Ходулов аатынан култуура киинин айар түмсүүлэрин кытта Илиҥ эҥэр улуустартан ырыаһыттара кэлэн кыттыыны ыллылар.<br>Киин айар түмсүүлэрэ - “Дьиэрэй” фольклор бөлөҕө (сал. Мария Иванова, Ульяна Ефремова), “Кыталык” үҥкүү норуодунай ансаамбыла (уус-уран сал. СӨ култууратын туйгуна Александра Соловьева), “Сыдьаай” үҥкүү ансаамбыллара (сал. Розалия Шарина), “Сыккыс” (сал. СӨ култууратын үтүөлээх үлэһитэ Сардаана Осипова), “Айыына” (сал. Саргылаана Ефимова) ырыа ансаамбыллара, “Аарык” квартет (сал. СӨ култууратын үтүөлээх үлэһитэ Георгий Сергучев), солист Степан Копырин уонна Мэҥэ Хаҥалас улууһуттан Чүүйэттэн Егор Федоров, байаныыс Степан Осипов, Хаатылыматтан Лилиана Спиридонова кыттыыны ыллылар. <br>Илиҥ эҥэр улуустартан - Амматтан Мичийэ, Юлиан, Даниэль Матвеевтар дьиэ кэргэн, Уус Алдантан Снежана Охлопкова, Елена Жиганюк, Айаал Вырдылин, Гаврил Свинобоев, Тааттаттан Роман Иванов, талааннарынан көрөөччүлэр сүрэхтэрин сүүйдүлэр. <br>Үтүө дьыала туһугар биир сомоҕо буолан, хас биирдии сыанаҕа тахсыбыт киһини олохтоохтор дохсун ытыс тыаһынан, сөхпүт-махтайбыт хаһыынан-ыһыынан доҕуһуоллаан көрүстүлэр-атаардылар.<br>Аахсыйа кэнсиэри иилээн-саҕалаан ыыттылар - Д.Ф.Ходулов аатынан култуура киинин дириэктэрэ СӨ култууратын туйгуна Екатерина Ефремова уонна улууспут култуураҕа уонна духуобунай сайдыыга управлениетын салайааччытын солбуйааччыта Александр Кулешов.<br>“Сулус” хампаанньаны өйүүр «Сулус»! Тулус! Дьулус!” аахсыйа кэнсиэр Майаттан саҕаланна, ол курдук алтынньы 3 күнүгэр Аммаҕа буолара күүтүллэр. Бар дьоммут Үтүө дьылаҕа кыттыыны ылыахтара диэн эрэллээхпит!<br>Көхсүттэн көнтөстөөх<br>Үс куттаах үтүө дьоммут!<br>Бары бииргэ, биир сомоҕо буоламмыт<br>Барыны барытын кыайа тутуоҕуҥ!