Майатааҕы Н.Н.Васильева аатынан народнай хор Аммаҕа Кылаан бирииһи ылла

Сэтинньи 22 күнүгэр Амматааҕы Ф. Потапов аатынан норуот айымньытын дьиэтигэр үйэлээх ырыаҕа олоҕун анаабыт сыана бэтэрээнэ, ССРС култууратын туйгуна, Амма улууһун, Болугур нэһилиэгин Бочуоттаах олохтооҕо Майрод Александрович Ноговицын төрөөбүтэ 85 сылыгар анаммыт «Нам песня строить и жить помогает» Илин эҥэр улуустарын ортолоругар хор күрэҕэ буолан ааста.<br><br>Дьүүллүүр сүбэҕэ үлэлээтилэр:<br>- Бэрэссэдээтэл - Бүтүн Арассыыйатааҕы хоровой уопсастыба Саха сиринээҕи филиалын бэрэссэдээтэлэ, Арассыыйа композитордарын сойууһун чилиэнэ, СӨ ускуустубатын үтүөлээх диэйэтэлэ, искусствоведение кандидата Татьяна Павлова – Борисова; <br>- Искусствоведение кандидата, СӨ култууратын үтүөлээх үлэһитэ, Арассыыйа композитордарын сойууһун чилиэнэ, Ил Дархан быйылгы «Үлэ киһитэ» бириэмийэтин туһааннааҕа Виктория Григорьева; <br>- ⁠СӨ ускуустубатын үтүөлээх диэйэтэлэ, композитор, Арассыыйа композтитордарын сойууһун чилиэнэ, Амма улууһун бочуоттаах олохтооҕо Егор Неустроев-Тулуйхан.<br><br>Хордар күрэхтэригэр 6 илин эҥэр сытар улуустартан барыта 18 кэлэктиип кытынна.<br><br>Күрэх түмүгүнэн «Бастыҥ салайааччы» – Н.Н. Васильева аатынан Майатааҕы норуодунай хор салайааччыта Саргылана Ефимова ааттанна;<br>Күрэх муҥутуур кыайыылааҕынан Н.Н. Васильева аатынан Майатааҕы норуодунай хор буолла уонна Амма улууһун култуураҕа уонна норуот айымньытыгар салалтатын (нач. И.Ф. Иванов) олохтообут 85000 солкуобайдаах сертификатынан наҕараадаланна. Кэлэктиип салайааччыта - Саргылана Ефимова, концертмейстера - СӨ култууратын туйгуна, СӨ култууратын үтүөлээх үлэһитэ Светлана Маркова.<br><br>Бары ырыаһыттарбытын итиитик-истиҥник эҕэрдэлиибит!