2005 сыл сэтинньи 25 күнэ Аар саарга аатырбыт Улуу Олоҥхобут күнэ

2005 сыл сэтинньи 25 күнэ Аар саарга аатырбыт Улуу Олоҥхобут күнэ.<br> Бу күн ЮНЕСКО Олоҥхону киһи аймах тылынан уонна өйүнэн айбыт култуурунай нэһилиэстибэтин үйэттэн үйэҕэ бэриллэр күндү баайа диэн аан дойду шедеврдэрин ахсааныгар киллэрбитэ 20 сыллаах өрөгөйө.<br>«Айыллыат» олоҥхону толорооччулар түмсүү (сал. Евдокия Семенова, уус-уран сал. Мария Иванова) 2017 с. Д.Ф. Ходулов аатынан норуот айымньытын дьиэтин иһинэн тэриллибитэ. Кыһын устата дьарыктанан Сайылык күнүн көрсөр сиэр‒туом толоруутугар, улуустааҕы, өрөспүүбүлүкэтээҕи Олоҥхо Ыһыахтарыгар, Олоҥхо күннэрин чэрчититинэн ыытыллар тэрээһиннэргэ ситиһиилээхтик кытталлар. Ону тэҥэ Майа сэлиэнньэтигэр «Итэҕэл балаҕанын» кытары ыкса сибээстээхтик үлэлээн оскуола үөрэнээччилэригэр кылаас чаастарын, нэһилиэнньэҕэ Олоҥхо истиитин киэһэтин оҥороллор. Сыллата ыытыллар улуустааҕы, ону тэҥэ өрөспүүбүлүкэтээҕи Олоҥхо ыһыахтарыгар ситиһиилээхтик кытталлар. <br>Толорбут, аахпыт олоҥхолорунан буолаллар: П.П. Ядрихинскай – Бэдьээлэ «Дьырыбына‒Дьырылыатта», Н.В. Москвитин «Хаан Дьаргыстай», В.О. Каратаев «Модун Эр Соҕотох», С.А. Иванов «Хара Буурай аттаах хорсун-хоодуот Хатан Боотур» буолаллар. Билиҥҥи кэмҥэ «Ньургун Бөҕө» олоҥхону үөрэтэ сылдьаллар. <br>Саха норуотун тылынан уус – уран айымньытын саамай урдук чыпчаала - Олоҥхобут үйэттэн үйэлэр тухары көлүөнэттэн көлүөнэҕэ бэриллэн испит дириҥ ис хоһоонноох айымньыбыт үүнэ-сайда туруохтун!<br>Ый курдук ыраас,<br>Кун курдук сылаас эркиннээх<br>Киһи-киһитэ буолан киэргэйиҥ,<br>Саха-сахата буолан сандаарыҥ,<br>Дьон-дьоно буолан туругуруҥ, - диэн<br>Алгыс тылбытын анаатахпыт буолуохтун!<br><br>С.А. Иванов «Хорсун-Хоодуот Хатан Боотур» олоҥхоттон быһа тардыыны ХОДУЛОВ-KIIN рутуб-ханаалга https://rutube.ru/video/72bf274443a5ed318744aa4e2943a45c/ сигэнэн киирэн көрүҥ, истиҥ.