Савва Алексеевич Адамов олохтон туораабытынан дириҥ кутурҕаммытын тиэрдэбит

Күндү биир дойдулаахпыт, Дьокуускай куоракка олорор сэрии сылларын оҕото, Алтан нэһилиэгин бочуоттаах олохтооҕо, СӨ култууратын үтүөлээх үлэһитэ, РФ театральнай деятеллэрин сойууһун чилиэнэ, П.А.Ойуунускай аатынан Саха академическай театрын бэтэрээн үлэһитэ Савва Алексеевич Адамов олохтон туораабытынан кыргыттарыгар, биир идэлээхтэрбитигэр Саргылана Саввична Адамоваҕа, Айталина Саввична Адамоваҕа, сиэттэригэр, бары аймахтарыгар Д.Ходулов аатынан норуот айымньытын дьиэтин кэлэктиибин аатыттан дириҥ кутурҕаммытын тиэрдэбит.<br>Савва Алексеевич кэргэнинээн Прасковья Павловналыын 1970-1977 сылларга Майаҕа олохсуйан, оройуоннааҕы култуура дьиэтигэр Майатааҕы народнай театрга таһаарыылаахтык үлэлээбиттэрэ. Савва Алексеевич маҥнай художнигынан үлэҕэ киирбитэ, сотору соҕус буолан баран РДК директорынан анаммыта, 1971-72 сылларга директорынан үлэлээбитэ. Ону тэҥэ кини театр солбуллубат киһитэ - тэҥинэн режиссер, артыыс, худуоһунньук, реквизитор, столяр, баянист, фотограф этэ. Кини испиктээхтэри түһэрбит хаартыскалара билигин ол сыллары сэгэтэн көрдөрөллөр, туоһу буолаллар. Адамовтар дьиэ кэргэн үлэлиир кэмнэригэр Майатааҕы народнай театр өрөспүүбүлүкэҕэ биллэр үлэлээх-хамнастаах театрга кубулуйбута, материальнай базата балай да хаҥатыллыбыта элбэҕи туоһулуур. Атын да култуура тэрээһиннэрэ кинилэрэ суох ааспатаҕа чахчы. Култуура эйгэтигэр Мэҥэ Хаҥалас оройуонун инники кирбиигэ таһаарсыбыт дьоммут сырдык ааттара үйэлэргэ умнуллуо суоҕа.