Кэллиэгэбитигэр - Мария Ивановаҕа СӨ импровизатор хомусчут аата иҥэрилиннэ

Сэтинньи 27 күнүгэр Хомус күнүн көрсө XII төгүлүн Саха АССР култууратын үтүөлээх үлэһитэ, Үлэ Кыһыл Знамята орден кавалера, улуу хомусчут Лука Николаевич Турнин аатынан стипендияны аныыр өрөспүүбүлүкэтээҕи күрэскэ биһиги үлэһиппит Мария Иванова, фольклор исписэлииһэ кыттыыны ылла.<br>Күрэскэ урукку кэмнэргэ эдэр ыччат кыттар эбит буоллаҕына, ааспыт сылтан хомус дьүрүскэн тыаһын үөрэтэр уһуйааччылар кыттыыны ылаллар. Күрэһи тэрийээччилэринэн Тыараһа нэһилиэгин дьаһалтата, Аан дойдутааҕы хомус түмэлэ уонна киинэ, Л.Н.Турнин аатынан «Алгыс» Норуот айымньытын дьиэтэ буолаллар. Кыайыылаахха стипендияны «Таатта улууһа» муниципальнай тэриллии дьаһалтата, Улуустааҕы норуот айымньытын дьиэтэ олохтууллар.<br>Бу үтүө тэрээһиҥҥэ сөп түбэһиннэрэн, Мария Ивановаҕа СӨ импровизатор хомусчут аата иҥэрилиннэ, дастабырыанньаны СӨ култуураҕа уонна духуобунай сайдыыга министрин солбуйааччыта Марина Владимировна Силина туттарда.<br>Түмүккэ, биһиги кыыспыт Лука Турнин дьиэ кэргэн анал бириистэрин тутта.<br>⁣<br>Хомуһу, ытыс ымыыта оҥостубут кэллиэгэбитигэр - баҕарабыт өссө үрдүк ситиһиилэри, үлүскэн үөрүүлэри, далааһыннаах дабайыылары!