«Айыына» вокальнай ансаамбыл Бороҕоҥҥо ыытыллыбыт вокальнай ансаамбыллар күрэҕэр 1 истиэпэннээх лауреат аатын ылла
1 декабря 2025 г. 14:51
Сэтинньи 29 күнүгэр Уус Алдан улууһун Бороҕон нэһилиэгэр Н.Никифоров-Күлүмнүүр аатынан «Тойон Мүрү» култуура киинигэр Найахы народнай хорун солистката, самодеятельнай ансаамбылы төрүттээччитэ Анна Ивановна Румянцева төрөөбүтэ 90 сылынан аһаҕас өрөспүүбүлүкэтээҕи ырыа ансаамбылларын куонкуруһа ыытылынна. Манна барыта 19 ырыа ансамыбллара кыттыбыттарыттан Майаттан «Айыына» вокальнай ансаамбыл 1 истиэпэннээх лауреат аатын ылары ситистэ уонна А.И.Румянцева аймахтарын бирииһинэн наҕараадаланна.<br><br>Ырыаһыттарбытыгар итии-истиҥ эҕэрдэбитин тиэрдэбит.
