Майа сэлиэнньэтигэр 2025 сыл түмүгүнэн туттарыллар «БАСТЫҤ» бириэмийэҕэ «БАСТЫҤ КӨХТӨӨХ ТЭРИЛТЭ» аатын ыллыбыт! Майабыт дьонугар-сэргэтигэр махтанабыт биһиги үлэбитин сыаналыыргытыгар!

Бүгүн, ахсынньы 18 күнүгэр Майа сэлиэнньэтигэр 2025 сыл түмүгүнэн бастыҥнары чиэстиир, «БАСТЫҤ» бириэмийэлэри туттарар үөрүүлээх тэрээһин Д.Ходулов аатынан култуура киинигэр буолла. Маннык тэрээһин ыытыллыбыта 3-с сыла. Ыҥырыылаах ыалдьыттар, тэрилтэлэр салайааччылара, быйылгы номинааннар уонна былырыыҥҥы кыайыылаахтар, ону тэҥэ быйыл Майаҕа түөлбэ тэриллибитэ 25 сылын бэлиэтээһин чэрчитинэн түөлбэ үлэтин төрүттэспит, билигин үлэлии-хамсыы сылдьар түөлбэ салайааччылара дьоро түһүлгэни төрүттэстилэр. Тэрээһини киэргэттилэр ыытааччылар - Спиридон Григорьев, Алена Рязанская, «Саха» НКИХ ыытааччыта Дьулустан Иванов, саха эстрадатын сулустара Кирилл Матвеев уонна Айса, М.К.Аммосов аатынан ХИФУ Н.Попова аатынан «Ситим» народнай үҥкүү ансаамбыла (салайааччы Дьулустан Кычкин), статуя дьоннор. Түмүккэ Майа сэлиэнньэтин баһылыга Алексей Иннокентьевич Неустроев кэлэр сылы - УДЬУОР УТУМУН СЫЛЫНАН биллэрдэ!<br>«Бастыҥ» бириэмийэҕэ «Бастыҥ көхтөөх тэрилтэ» анал аакка Д.Ходулов аатынан норуот айымньытын дьиэтин кэлэктиибэ кыайыыны ситиспитинэн бары үлэһиттэри итиитик-истиҥник эҕэрдэлиибит! Хас биирдии үлэһит кыһамньыта, сатабыла, бэриниитэ бу кыайыыга улахан оруоллаах.<br>Кэлэн иһэр саҥа 2026 сылынан эҕэрдэлиибит!