Ахсынньы 25 күнүгэр Майаҕа Д.Ф.Ходулов аатынан култуура киинэ арыллыбыта 5 сыла туолла

Ахсынньы 25 күнүгэр сырдыкка, кэрэҕэ угуйар уораҕайбытыгар, сүрдээх долгутуулаах, күүтүүлээх, бэлиэ күн үүннэ - 2020 сыллаахха ахсынньы 25 күнүгэр, Дмитрий Федорович Ходулов аатынан култуура саҥа киинэ - Майатын дьонугар, түмсүүлэригэр уонна ыалдьыттарыгар аанын арыйбыта 5 сылын бэлиэтиир дьоро түгэммит тосхойдо!<br>2020 сылтан – Майа сэлиэнньэтигэр саҥа саҕахтар арыллыбыттара! Инники көлүөнэ үлэлээн ааспыт уопутугар, сатабылыгар тирэҕирэн, урукку РДКаабытын, Ходуулаппытын сүрэхпитигэр ильдэ сылдьан, саҥа култуура киинигэр үлэлээбиппит номнуо 5 сыла туолбутунан - бар дьоммутугар сахалыы сайаҕас эҕэрдэ! <br>Биһиги кииммит - тыйаатыры, ырыаны, үҥкүүны, киинэни, муусуканы, уус-уран айымньыны холбуур, нэһилиэк айар куттаах дьонун, ыччатын, оҕолорун түмэр, элбэх күрэхтэр, бэстибээллэр, уонна саҥа бырайыактар олохтонор, кыайыылар түстэнэр сирдэрэ буолар.<br>5 сыл устата 271 354 көрөөччү бу уораҕайга сылдьыбытын, 4,262 тэрээһин, 2,869 киинэ буолбутун киэн туттан туран иһитиннэрэбит. “Ходуулаптар” диэн ааты өрөспүүбүлүкэ барыта билэр, кэллиэгэлэрбит үлэбитин кэтээн көрөллөр, уопуппутун ылаллар. Онтон биһиги Майа сэлиэнньэтигэр, Мэҥэ Хаҥалас улууһугар айа-тута сылдьарбытынан, үлэлииргэ, үүнэргэ үчүгэй дойдуга олорорбутунан киэн туттабыт! <br>Үүнэр сылы СӨ Ил Дархана Айсен Сергеевич Николаев Култуура сылынан, РФ Бэрэсидьиэнэ Владимир Владимирович Путин норуоттар сомоҕолоһууларын сылынан биллэрбиттэринэн биһиги иннибитигэр саҥа соруктар туруоруллаллар.