СӨ култуура уонна духуобунай сайдыы министиэристибэтин 2026 сыллааҕы былааны торумнуур стратегическэй сессияҕа кыттыыны ыллыбыт
16 января 2026 г. 15:00
Тохсунньу 15 күнүгэр Дьокуускай куоракка А.С.Пушкин аатынан национальнай библиотекаҕа СӨ култуура уонна духуобунай сайдыы министиэристибэтин 2026 сылга үлэтин торумнуур стратегическэй сессиятыгар Д.Ходулов аатынан норуот айымньытын дьиэтин дириэктэрэ Е.П.Ефремова, Д.Ходулов аатынан народнай театр режиссера Д.Н.Осипов кыттыыны ыллылар. Тэрээһини СӨ Ил Дарханын иһинэн үлэлиир инновационнай менеджмент Үрдүкү оскуолата сүрүннээн ыытта. Сессия СӨ култуура уонна духуобунай сайдыы миниистирэ А.И.Ноев эҕэрдэ тылынан саҕаланна. Манна судаарыстыбааннай култуура тэрилтэлэрин салайааччылара, специалистара, улуустааҕы култуура уонна духуобунай сайдыы салалталарын салайааччыларауонна да атын үлэһиттэр кыттыыны ыллылар. Күн устата хас да түһүмэхтээх саҥа бырайыактары тобулуу, ырытыы үлэтэ көхтөөхтүк ыытылынна. Түмүккэ бары кыттааччыларга туоһу суруктар туттарылыннылар. Сессияҕа киирбит толкуйдары култуура уонна духуобунай сайдыы министиэристибэтэ салгыы ырытар, сайыннарар былааннаах.
