Майа сэлиэнньэтигэр 2026 сылга тэрилтэлэр бөлөхтөрүн икки ардыларыгар ыытыллар «В.К.Степанов аатынан култуура уонна спорт эстэпиэтэтэ» бэстибээл түмүктэннэ

Майа сэлиэнньэтигэр 2026 сылга тэрилтэлэр бөлөхтөрүн икки ардыларыгар ыытыллар «В.К.Степанов аатынан култуура уонна спорт эстэпиэтэтэ» бэстибээл Майабыт талааннаах, спортка дьоҕурдаах, уран тарбахтаах дьонун-сэргэтин түмтэ. <br>Түһүмэхтэринэн кыттыы:<br>Эр дьон оһуохайыгар 140 эр киһи кытынна;<br>Уус-уран оҥоһуктар быыстапкаларыгар 350 уран тарбахтаахтар 700-тэн тахса үлэни туруордулар;<br>Спорт күрэхтэһиилэригэр 11 көрүҥҥэ 345 киһи кытынна;<br>Уус-уран кэнсиэргэ 500 киһи кытынна.<br>Барыта быйылгы эстэпиэтэҕэ 1335 киһи кыттан сомоҕолоһууну төрүттээтэ.<br>Бөлөхтөргө дьону түмэр, көҕүлүүр, салайар, ону тэҥэ эстэпиэтэҕэ кыттыбыт дьоммутугар-сэргэбитигэр барҕа махталбытын тиэрдэбит.<br>69 сыл тохтоло суох ыытыллан кэлбит, үтүө үгэскэ кубулуйбут култуура уонна спорт эстэпиэтэтэ биһиги баайбыт, киэн туттуубут буолар. <br>Күндү дьоммутугар тус олоххутугар дьолу-соргуну, дьиэ кэргэҥҥитигэр байылыат олоҕу, үлэҕитигэр үрдүктэн үрдүк ситиһиилэри баҕарабыт!<br>Эһиилги үбүлүөйдээх эстэпиэтэҕэ көрсүөххэ диэри!