Маргарита Михайловна МАКСИМОВА сырдык кэриэһигэр

Майа сэлиэнньэтин, Мэҥэ Хаҥалас улууһун бочуоттаах олохтооҕо, СӨ култууратын туйгуна, «Гражданскай килбиэн», «Ф. К. Попов аат. СӨ патриота» бэлиэлэр туһааннаҕа, киинэсиэт, култуура бэтэрээнэ, Майатааҕы Д. Ходулов аатынан норуодунай тыйаатыр артыыската, МАКСИМОВА МАРГАРИТА МИХАЙЛОВНА күн сириттэн күрэммитинэн оҕолоругар, сиэннэригэр, бары аймахтарыгар Д. Ходулов аатынан Норуот айымньытын дьиэтин коллективын уонна Норуодунай тыйаатыр артыыстарын ааттарыттан дириҥ кутурҕаммытын тиэрдэбит.<br>Маргарита Михайловна норуодунай тыйаатырга 1978 сыллаахха Варвара Терешкина режиссерга артыыстыы кэлэр. Дьаһаллаах буолан тутатына старостанан талыллан 40-тэн тахса сыл коллектив артыыстарын кытта алтыһан, салайсан кэлбитэ. Театрга 30-тан тахса артыыс хас сезон аайы оруоллары ылан, ким дублер буолан көхтөөхтүк, биир ыал оҕолорун курдук дьарыктанан, бэлэмнэнэн дьону-сэргэни тардар, умсугутар спектакыллары таһаараллара. Урукку сылларга гастуруолга элбэхтик сылдьаллара, Маргарита Михайловна гастуруол кэмигэр артыыстыырын быыһыгар үксүн билиэт атыылыыр уонна отчуоттуур эбит. Сылын аайы үгэс буолбут култуура уонна спорт эстафетатыгар спорка, айар быыстапкаҕа уонна уус-уран самодеятельноска тэрилтэ кэнсиэригэр сценкалары, биир акталаах пьесалары туруоран, бэйэтэ кыттан күүс-көмө буолара.<br>Түөрт уонтан тахса сыл тыйаатырга артыыс быһыытынан оонньуур кэмигэр бэрт элбэх режиссердары кытта үлэлэспитэ - Терешкина Варвара Павловна, Бурнашева Капиталина Ивановна, Петров Анатолий Петрович, Новиков Аркадий Михайлович, Охлопкова Анна Иннокентьевна, Никитин Захар Николаевич, Афанасьева Тамара Романовна, Егоров Михаил Михайлович, Скрябина Александра Семеновна, Осипов Данил Николаевич. <br>Оонньообут испиктээкиллэрэ:<br>1. Н.Игнатьев «Аартыкка тахсыы»<br>2. А.Островскай «Энньэтэ суох кыыс»<br>3. С.Омоллоон «Сайсары»<br>4. Н.Якутскай «Көмүстээх үрүйэ»<br>5. Н.Гоголев «Иннэ үүтүнэн»<br>6. А.Вампилов «Улахан уол»<br>7. И.Гоголев «Саллаат сүрэҕэ»<br>8. А.Софронов «Таптал»<br>9. А.Аччыгыйа «Ийэ дойду»<br>10. И.Гоголев «Кыһыл буурҕа аттаахтар»<br>11. И.Сосин «Сүппүт күлүктэр»<br>12. И.Алексеев «Ыҥырыа уйата»<br>13. Д.Таас «Кыһыл көмүс хоруоп»<br>14. И. Семенов «Күтүөт»<br>15. И.Семенов «Сонордьуттар»<br>16. И. Находкин «Хабырылла Дьөгүөрэп»<br>17. Н.Неустроев «Куһаҕан тыын»<br>18. А.Гаврильева «Үгэх түгэҕэ»<br>19. А.Гаврильева «Тиһэх айан»<br>20. А Гаврильева «Санаам долгуннара»<br>21. С.Козлов «Ыра санаам хараабыла»<br>22. Н.Степанов «Күн Эрэли»<br>23. Н.Степанов «Бэриэт Бэргэн»<br>24. В.Яковлев «Кылбаа маҥан кыталыктар»<br>25. С.Марков «Дьэбдьиэй»<br>26. С.Омоллоон «Күөх Көппө»<br>27. С.Омоллоон «Ырыкыныап ыыспата»<br>28. И.Сыроватскай «Буурҕалаах дьылларга»<br>29. С.Ефремов «Ини-бии»<br>30. И.Алексеев «Ол ыар сылларга»<br>31. П. Адамова И. Сергучев «Ытык иэс»<br>32. У. Захаров «Бастакы»<br>33. Н. Степанов, Н. Сидорова «Манньыаттаах уола» <br>Маргарита Михайловна сыанаҕа оонньуурун таһынан киилэлэргэ артыыстыыра. «Баар да суох…», «Тыал баарын тухары», «Аартыктар», «Соҕотох бэс», «Хаайыылаах» уо.д.а. уус-уран киинэлэргэ, «САХА» КИХ сахалыы сериалларыгар быстах оруолга оонньообута.<br>Маргарита Михайловна олоҕор, үлэтигэр да мэһэйдэппэккэ тыйаатырын репетицияларын көтүппэккэ сылдьара, эрдэ кэлэн тылын-өһүн үөрэтэрэ, саҥа эдэр артыыстарга күүс-көмө буолара, сүбэ-ама биэрэрэ.<br>Маргарита Михайловна тапталлаах тыйаатырыгар умсугуйан туран оруоллары арыйара, оонньуура.<br>Быдан дьылларга быраһаай, күндү артыыспыт, наставникпыт МАРГАРИТА МИХАЙЛОВНА!