Ороссолуода Ытык сиригэр ыытыллыбыт улуустааҕы Олоҥхо Ыһыаҕар ситиһиилэр
16 июня 2026 г. 16:34
Дойдубутугар норуоттар сомоҕолоһууларын, Мэҥэ Ханалас улууһугар олохтоох бэйэ оҥорон таhаарыы, олонхоһут Гаврил Николаевич Ларионов -Халлаан Хабырыыс төрөөбүтэ 135 сылларыгар аналлаах «Ороссолуода нэһилиэгэ - Олоҥхо Ыһыаҕын уруйдуур!» XIV төгүлүн ыытыллыбыт улуустааҕы Олоҥхо ыһыаҕын «Оллоонноон олорон олоҥхону толоруох» олоҥхону толоруу курэххэ Д.Ходулов аатынан норуот айымньытын дьиэтин «Айыллыат» фольклорнай түмсүүтэ (сал.Евдокия Семенова, уус-уран сал. Мария Иванова) II Үрдэли ылары ситистэ. Бу күрэххэ С.А. Иванов - «Хорсун Хоодуот Хатан Боотур» олоҥхону 3 сыл кэриҥэ үөрэтэн толордулар. <br>Ону тэҥэ олоҥхону соҕотохтуу толорууга Анастасия Адамова уонна Заредина Сосина сэһэн буолбут сэргэни, ырыа буолбут ыйааҕы үйэтиппит Гаврил Николаевич Ларионов -Халлаан Хабырыыс сыдьааннарын анал бирииһинэн наҕарадааланнылар.<br><br>Аҕам саастаах үтүө дьоммутун «Айыллыат» түмсүүбүтүн ситиһиилэринэн эҕэрдэлиибит. Инникитин даҕаны кыайыылар-хотуулар кэлэ турдуннар.
