Бэс ыйын 21 күнүгэр Ураһалаах алааска үгэс быһыытынан аламай күнү көрсүү сиэрин-туомун ыыттыбыт

Мустубут дьоҥҥо саха төрүт дорҕооннорун - кыл кырыымпа, хомус, күпсүүр, чуһуурба тыаһынан оонньоон иһитиннэрдилэр «Дьиэрэй» народнай төрүт дорҕоон бөлөҕө. «Тыҥ хатыыта» диэн ураты туруоруулаах, кэрэ көстүүмнээх үҥкүүнү бэлэхтээтилэр «Сыдьаай» үҥкүү бөлөҕө. Сал. Розалия Шарина. Түһүлгэни ыраастааһыҥҥа кытыннылар киин библиотека, «Кэнчээри» уһуйаан кэлэктииптэригэр, «Харыстаана» түмсүү далбар хотуттара. Алгыһы Зиновий Игнатьев-түсчүт Зиновий оҥордо. Күммүт сандааран тахсыбытын кэннэ мустубут дьоҥ оһуохайга киирдилэр. Оһуохайы таһаарда төрүт култуураҕа уһуйааччы, СӨ култууратын туйгуна Валентина Кривошапкина.<br>Күндү дьоммут-сэргэбит!<br>Күҥҥүт өрүү сыдьаайа тыктын,<br>Тулаҕыт сырдык буоллун,<br>Инникигит кэскиллээх буоллун,<br>Санаабыккыт сатанан истин.<br>Дом!!!