XIX өрөспүүбүлүкэтээҕи Олоҥхо ыһыаҕар - үрдүк ситиһии!
6 июля 2026 г. 15:52
От ыйын 4-5 күннэригэр Ытык Кэбээйи улууһугар, «Уһун хонуу» сиригэр ыытыллыбыт XIX өрөспүүбүлүкэтээҕи Олоҥхо ыһыаҕар «Куйаар кутуллар дорҕооно» кылыһах-кырыымпаҕа оонньооччулар өрөспүүбүлүкэтээҕи күрэстэригэр бөлөҕүнэн толорууга Д.Ходулов аатынан норуот айымньытын дьиэтин «Дьиэрэй» народнай төрүт дорҕоон бөлөҕө КЫЛААН ААТЫ ылла, ону тэҥэ Мария Иванова уонна Ульяна Ефремова биирдиилээн толорууга «Дьоҕурдаах кылыһах-кырыымпаһыт» анал аатынан бэлиэтэннилэр. Бу үрдүк ситиһиинэн салайааччылары Мария Иванованы, Ульяна Ефремованы уонна бары бөлөх мусукааннарын итиитик-истиҥник эҕэрдэлиибит. <br>Маны тэҥэ Ульяна Максимовна «Киристэпиэл кэрэхсэлэ» дэгэрэҥ ырыаны толорооччулар күрэстэригэр кыттан эмиэ КЫЛААН ААТЫ ылары ситистэ, Линда Захарова анал аат, Арсений Андреев - I үрдэл ыллылар. Бу Олоҥхо ыһыаҕар атын күрэстэргэ улууспут аатын көмүскээбит бары биир дойдулаахтарбытыгар эҕэрдэбитин тиэрдэбит.<br><br>#олоҥхоыһыаҕа2026
