Олоҥхо декадатын, Хомус күнүн бэлиэтээн «Төрүт ситим» дьоро киэһэ айар түһүлгэтэ тэрилиннэ

Д.Ф. Ходулов аатынан култуура киинигэр сэтинньи 30 күнүгэр Олоҥхо декадатын, Хомус күнүн бэлиэтиир «Төрүт ситим» дьоро киэһэ айар түһүлгэтэ буолан ааста. <br>Дьоро киэһэ маҥнайгы чааһыгар Куйаар ситимин нөҥүө ыытыллыбыт аһаҕас «Өбүгэ үтүө үгэһэ», «Дьиэрэй, ыллаа хомуһум» күрэхтэр түмүктэрэ биллэрилиннэ.<br>Иккис чааһыгар дьоро киэһэ айар түһүлгэтигэр саха норуотун улуу олоҥхотун, алыптаах хомуһун сэҥээрээччилэр, уһуйааччылар, кэнчээри ыччаттарбыт түмсэн бэлэмнэнэн кэлбит дьүһүйүүлэрин көрөөччүгэ бэлэх ууннулар. Д.Ф. Ходулов аатынан норуот айымньытын дьиэтэ, салайааччы Винокуров Василий Павлович саха норуотун култууратын тарҕатааччыларга, куруук күүс-көмө буолар дьоммутугар Махтал сурук туттарылынна. Ол курдук олоҥхоһут, Саха Республикатын култууратын туйгунугар Виталий Никифоровка, «Манчаары ыччаттара» улуустааҕы олоҥхону толорооччулар бөлөҕүн салайааччытыгар Станислав Ивановка, үрдүкү категориялаах уһуйааччылар, Саха Республикатын култууратын туйгуннара Ульяна Ефремоваҕа, Валентина Кривошапкинаҕа, , «Кэрэли» эбии үөрэхтээһин киин үрдүкү категориялаах уһуйааччытыгар Анастасия Слепцоваҕа, «Кыталык» оҕо-ыччат эстетическэй киин фольклорга уһуйааччытыгар Светлана Никитинаҕа итиэннэ ытыктыыр киһибитигэр Евдокия Семеноваҕа. <br>«Төрүт ситим» дьоро киэһэ айар түһүлгэтигэр кыттыыны ыллылар: Виталий Никифоров, Сардаана Осипова, «Кыталык» үҥкүү народнай ансаамбыл, «Ай-тыын» үҥкүү бөлөҕө, «Айыына» вокальнай ансаамбыл, «Дьиэрэй» фольклорнай ансаамбыл, «Кыталыына» норуот үҥкүүтүн сэҥээрээччилэрин бөлөҕө, «Айыллыат» олоҥхону толорооччулар түмсүүтэ, «Дьулусхан», «Сайдыына» хомус ансаамбыллара, «Кэрэли» эбии үөрэхтээһин киин иитиллээччилэрэ, Майа оскуолаларын үөрэнээччилэрэ.